ភ្នំពេញ៖ រដ្ឋសភាកម្ពុជាបានបើកសម័យប្រជុំរដ្ឋសភាជាវិសាមញ្ញ នីតិកាលទី៦ ក្រោមអធិបតីភាពប្រធានរដ្ឋសភា សម្តេចចក្រី ហេង សំរិន នៅព្រឹកថ្ងៃទី២៨ ខែកុម្ភៈ ឆ្នាំ២០២៣ ដោយវត្តមានសមាជិក សមាជិការដ្ឋសភាចំនួន ៩៨រូប។

កិច្ចប្រជុំព្រឹកនេះរដ្ឋសភាបានអនុម័តរបៀបវារៈចំនួន២ គឺការសម្រេចអំពីសុពលភាពនៃអាណត្តិរបស់ លោក ទី ថានី ជាតំណាងរាស្រ្តមណ្ឌលខេត្តពោធិ៍សាត់ ជំនួស លោក ខូយ សុខា ដែលបានទទួលមរណភាព និងរបៀបវារៈទី២ គឺ ការបោះឆ្នោតជ្រើសតាំង លោក យិន ប៊ុនណាង ជាសមាជិកគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក ដោយបានទទួលសន្លឹកឆ្នោតព្រមចំនួន ១០០សំឡេងនៃចំនួនសមាជិករដ្ឋសភាទាំងមូល៕